John 19:24 — Compare Translations

Hmong Bible (Vajtswv Txojlus 2000)

Cov tubrog sib tham hais tias, “Peb tsis txhob muab lub tsho no dua, tiamsis cia peb muab twv saib leejtwg tau lub tsho ntawd xwb.” Tej uas lawv ua no muaj tiav raws li Vajtswv txojlus uas hais tias, “Lawv muab kuv tej ris tsho sib faib, thiab muab kuv lub tsho ntev twv saib leejtwg tau.” Twb yog vim li no cov tubrog thiaj ua li ntawd.

Hmong Bible 2004

Lawv thiaj sib hais tias, “Peb tsis txhob muab dua, peb cia li ua ntawv rho saib leejtwg tau.” Ua li no thiaj tiav raws li Vajtswv tej lus hais tias, “Lawv muab kuv tej ris tsho faib, kuv lub tsho lawv muab ua ntawv rho.” Cov tub rog thiaj ua li ntawd.