Leviticus 10:6 — Compare Translations

Hmong Bible (Vajtswv Txojlus 2000)

Ces Mauxes hais rau Aloos thiab Aloos ob tug tub uas yog Ele-axas thiab Ithamas hais tias, “Tsis txhob cia nej cov plaubhau ntxhov hnyo lossis dua nej tej ris tsho kom luag paub hais tias nej muaj kev quaj ntsuag. Yog nej ua li ntawd, nej yuav tuag thiab tus TSWV yuav chim rau ib tsoom pejxeem sawvdaws. Tiamsis tso rau nej ib tsoom Yixalayees los ua cov quaj nyiav thiab pam ob tug tuag uas tus TSWV tso hluavtaws los kub tuag ntawd.

Hmong Bible 2004

Mauxe txawm hais rau Aloo thiab Ele‑axa thiab Ithama lawv peb txiv tub tias, “Tsis txhob cia nej plaubhau ntxhov hnyo thiab tsis txhob muab nej tej tsho dua, tsam ces nej ho tuag thiab Yawmsaub txojkev npau taws ho tshwm rau ib tsoom pejxeem sawvdaws. Tiamsis nej cov kwvtij uas yog cov Yixayee sawvdaws yuav quaj ntsuag ob tug uas Yawmsaub tso hluavtaws kub hnyiab tuag kuj tau.