Leviticus 11:32 — Compare Translations

Hmong Bible (Vajtswv Txojlus 2000)

Thiab yog cov tsiaj no lub cev tuag poob rau saum ib yam khoom twg, yam ntawd yuav tsis huv lawm thiab. Tej khoom ntawd yog: ntoo, khaubncaws, tawv tsiaj lossis hnabtsaj thiab tej uas yog khoom siv huv tibsi. Yuav tsum muab yam khoom ntawd mus tsau dej, yam khoom ntawd yuav tsis huv mus txog thaum tsaus ntuj, tom qab ntawd thiaj rov huv.

Hmong Bible 2004

Thaum tej ntawd ib tug tuag poob rau saum yam twg mas yam ntawd kuj qias tsis huv lawm thiab, tsis hais tej twj siv uas muab ntoo ua lossis tej ris tsho lossis tawv tsiaj lossis seev tsaj lossis tej twj siv yam twg mas yuav tsum muab tej ntawd tsau dej. Tej ntawd yuav qias tsis huv txog tsaus ntuj mas thiaj rov huv.