Revelation 17:8 — Compare Translations

Hmong Bible (Vajtswv Txojlus 2000)

Tus tsiaj ntawd yav tas los nws muaj sia nyob, tiamsis nimno nws twb tsis muaj sia lawm; nws yuav tawm hauv lub qhov tob tob los thiab nws yuav mus raug kev puastsuaj. Tej neeg ntiajteb uas tsis muaj npe sau thaum tsis tau tsim ntuj tsim teb rau hauv phau ntawv uas sau cov neeg muaj sia nyob mus ibtxhis lawm tej npe, thaum lawv pom tus tsiaj ntawd lawv yuav xav tsis thoob li, rau qhov yav tas los tus tsiaj ntawd muaj sia, tiamsis nimno tsis muaj lawm thiab nws tseem yuav rov tshwm los.

Hmong Bible 2004

Tus tsiaj uas koj pom ntawd txeev muaj nyob tiamsis nimno tsis muaj nyob thiab tseem yuav nce tawm hauv lub qhov tob tob los thiab yuav mus raug kev puam tsuaj. Cov neeg hauv ntiajteb uas tsis muaj npe sau cia rau hauv phau ntawv txojsia txij thaum tsim ntuj tsim teb los, kuj yuav phimhwj rau thaum uas pom tus tsiaj vim tus tsiaj ntawd txeev muaj nyob thiab nimno kuj tsis muaj nyob thiab tseem yuav los.