Revelation 20:4 — Compare Translations

Hmong Bible (Vajtswv Txojlus 2000)

Tom qab ntawd kuv pom ntau lub zwmtxwv thiab pom cov neeg uas zaum saum cov zwmtxwv ntawd twb tau lub hwjchim ua cov txiav txim lawm. Thiab kuv pom cov neeg uas luag muab txiav cajdab tuag lawm cov ntsujplig. Lawv raug tua rau qhov lawv qhia tej lus tseeb uas Yexus qhia rau lawv thiab lawv qhia Vajtswv Txojlus. Lawv yeej tsis pe tus tsiaj thiab tus mlom uas muaj yam ntxwv zoo li tus tsiaj ntawd; lawv tsis muaj tus tsiaj ntawd lub cim nias rau ntawm lawv hauvpliaj lossis ntawm lawv txhais tes. Lawv nrog Yexus Khetos nyob thiab nrog nws kav ib txhiab xyoo.

Hmong Bible 2004

Thiab kuv pom muaj tej zwm txwv thiab cov uas zaum saum tej zwm txwv ntawd tau txais hwjchim txiav txim. Thiab kuv pom cov uas raug txiav caj dab li ntsuj plig vim yog ua timkhawv txog Yexus thiab txog Vajtswv txojlus. Lawv tsis tau pe hawm tus tsiaj thiab tus dab mlom tsiaj, thiab tsis tau nias tus tsiaj lub cim rau ntawm hauv pliaj lossis ntawm txhais tes. Lawv sawvdaws rov muaj txojsia thiab nrog Khetos kav ib txhiab xyoo.