Zephaniah 1:17 — Compare Translations

Hmong Bible (Vajtswv Txojlus 2000)

Tus TSWV hais tias, “Kuv yuav tso sub tawg sub ntsha los rau neeg kom txhua tus mus kev ib yam li tus digmuag. Vim lawv tau ua txhaum tawmtsam kuv, mas nimno lawv cov ntshav yuav raug muab hliv tawm ib yam li hliv dej, thiab lawv tej cev tuag yuav lwj pawglug saum tej npoo av.”

Hmong Bible 2004

Kuv yuav tso kev txom nyem lwj siab los rau tej neeg, mas lawv yuav taug kev yam nkaus li tej dig muag. Vim yog lawv tau ua txhaum rau Yawmsaub, mas lawv tej ntshav yuav raug muab hliv nchuav yam nkaus li hmoov av, thiab lawv cev nqaij yuav raug muab nchuav pov tseg yam nkaus li tej quav tsiaj txhu.