Hakcipta © 2011, The Bible Society of Malaysia
Pemanjai balai ti dikumbai Balai Utan Menua Lebanon nya 44 meter, buka iya 22 meter, lalu peninggi iya 13.5 meter. Balai nya bisi tiga iti rintai tiang ti besai ti digaga ari kayu sidar, lima belas batang tiang dalam siti-siti rintai, lalu bisi pengerat ti digaga ari kayu sidar nyengkar ba puchuk tiang nya. Dek nya digaga ari kayu sidar, ti nyengkar ari atas bilik alai nyimpan reta tengkira. Dek tu dipanggaika ba pala tiang nya.