Hakcipta © 2011, The Bible Society of Malaysia
Dalam taun ti kelapan belas iya udah megai perintah, lebuh iya udah nuchi menua nya enggau Rumah Sembiang lalu nutup semua pengawa orang kapir ke besembahka engkeramba, Raja Josiah lalu ngasuh tiga iku orang ngaduka Rumah Sembiang Allah Taala. Sida tiga nya Sapan anak Asaliah, Maseiah ti nyadi tuan gabenor nengeri Jerusalem, enggau Joah anak Joahas, siku pemesai ti tinggi pangkat.