Hakcipta © 2011, The Bible Society of Malaysia
Udah nya Josiah lalu ngasuh Imam Besai Hilkiah, bala imam ti nyadi penulung Hilkiah, enggau bala jejaga ke bekereja sehari nya ba mua pintu Rumah Sembiang, ngasuh sida mai ari Rumah Sembiang nya semua utai ti dikena nyembah Baal, petara indu Aserah, enggau kena nyembah bintang. Raja lalu nunu semua utai nya di luar nengeri, ba Lebak Kidron, lalu udah nya, ngasuh orang mai amau utai nya ngagai Betel.