Hakcipta © 2011, The Bible Society of Malaysia
Elisa lalu bejaku enggau Gehasi, “Tanyaka ngagai iya utai ti tau dikereja aku ke iya, kena malas pengiruh iya ti udah nyendiaka semua utai ke tua. Kada enda iya deka ngasuh aku betemu enggau raja, tauka betemu enggau tuai soldadu, ngambika aku bejaku ngarika ngagai sida.” “Aku diau begulai enggau bala aku empu, lalu aku nadai suntuk utai diguna,” ku indu nya nyaut.