Hakcipta © 2011, The Bible Society of Malaysia
Garis entara menua ti di utara nuju tunga ke timur berengkah ari Tasik Tengah nyentuk ngagai nengeri Hetlon, ngagai Lebo-hamat, ngagai nengeri Enon, ngagai garis entara menua perintah Damaskus enggau Hamat. Genap raban bansa deka nerima sebagi ari tanah nya berengkah ari garis entara menua ti muak ke timur nyentuk ngagai Tasik Tengah di barat. Baka tu ku ripih bagi menua ti diungkupka ngagai tiap-tiap raban bansa, berengkah ari utara nyentuk ke selatan: Dan Aser Naptali Manasi Epraim Reuben Judah