Hakcipta © 2011, The Bible Society of Malaysia
Nya alai dalam bulan ti kedua, kedua taun sida udah pulai ngagai endur asal Rumah Sembiang di Jerusalem, sida lalu belabuh gawa. Serubabel, Jesua, enggau semua orang mayuh ti bukai, bala imam, enggau orang Lewi, iya ti bendar, semua orang ke udah kena buai ngagai menua Babilon, lalu udah pulai baru ngagai Jerusalem, bela enggau gawa magang. Semua orang Lewi ke umur dua puluh taun ke atas bela diasuh nyadi tuai ngereja pengawa begagaka Rumah Sembiang nya baru.