1 Chronicles 12:18 — Compare Translations

Ilokano (Ti Baro a Naimbag a Damag Biblia) 1996

Maysa kadakuada, ni Amasai, a nagbalin a pangulo “Dagiti Tallopulo,” ti inturayan ti espiritu ti Dios ket kinunana: “O David nga anak ni Jesse, kukuanakami! Agballigika koma ken dagiti tumultulong kenka! Adda ti Dios a katulongam!” Inawat ida ni David ket pinagbalinna ida nga ofisiales iti armadana.

Ilokano (Ti Biblia (1973))

Idin ti Espiritu immapay ken Amasai, a pangolo idi dagiti tallopulo, ket kinunana, Cucuanacami, David, ken cadduanacami, sica anac a lalaki ni Jesse; talna, talna ti adda kenca, ken talna ti adda cadagiti catcatulongam; ta ti Diosmo tulongannaca. Idi a casta inawat ida ni David, ket inaramidna ida a capcapitan ti bunggoy.