1 Chronicles 12:23 — Compare Translations

Ilokano (Ti Baro a Naimbag a Damag Biblia) 1996

Idi adda ni David idiay Hebron, adu a nasanay a mannakigubat ti timmipon iti armadana tapno tumulongda iti pannakaisaadna nga ari a sukat ni Saul, kas inkari ni Yahweh. Daytoy ti bilangda: Juda: 6,800 a mannakigubat nga addaan kadagiti kalasag ken pika; Simeon: 7,100 a nasanay a mannakigubat; Levi: 4,600 a soldado; dagiti pasurot ni Jehoyada a kaputotan ni Aaron: 3,700 a mannakigubat; dagiti kakabagian ni Zadok, maysa nga agtutubo ken nalaing a makigubat: 22 a nalatak a mannakigubat; Benjamin (iti tribu ni Saul): 3,000 a mannakigubat (kaaduanna kadagiti tattao ti Benjamin ti nagtalinaed a napudno ken ni Saul); Efraim: 20,800 a mannakigubat a nalatak iti kapuonanda; Akinlaud a Manases: 18,000 a napili a lallaki a mangisaad ken ni David a kas ari; Issacar: 200 a papangulo, agraman dagiti tattao nga ipanguloanda (dagitoy a panglakayen ti makaammo iti rumbeng nga aramiden ti Israel ken ti maitutop a tiempo a pannakaaramidna); Zebulon: 50,000 a napudno ken mapagtalkan a tattao a sisasagana a makigubat. Nasanayda nga agusar iti amin a kita ti igam; Neftali: 1,000 a papangulo agraman 37,000 a mannakigubat a sikakalasag ken sipipika; Dan: 28,600 a nasanay a mannakigubat; Aser: 40,000 a mannakigubat a sisasagana a makigubat; Dagiti tribu iti daya ti Jordan—Ruben, Gad ken Akindaya a Manases; 120,000 a mannakigubat a nasanay nga agusar iti amin a kita ti igam.

Ilokano (Ti Biblia (1973))

Ket dagitoy dagiti bilang dagiti pangoloen dagiti naigaman a maipaay iti gubat, nga immay ken David idiay Hebron, a naglisi iti pagarian ni Saul a mayannurot iti sao ni Jehova.