1 Corinthians 4:6 — Compare Translations

Ilokano (Ti Baro a Naimbag a Damag Biblia) 1996

Kakabsatko, para iti pagimbaganyo, inusarko a pagarigan ti kasasaadmi ken ni Apolos tapno masursuroyo ti kaipapanan daytoy a pagsasao, “Dikayo lumbes iti adda a naisurat.” Iti ababa a pannao, tapno awan kadakayo ti mangitangsit iti maysa a tao ket umsienna ti sabali.

Ilokano (Ti Biblia (1973))

Ket dagitoy a banbanag, cacabsat, inaramatco ida a cayarigan ni Apolos ken siac, gapu cadacayo: tapno masursuroyo coma cadacami a dicay lumbes iti adda a naisurat; tapno awan coma cadacayo ti agtangsit maipoon iti maysa a bumusor iti sabali.