1 Samuel 14:45 — Compare Translations

Ilokano (Ti Baro a Naimbag a Damag Biblia) 1996

Ngem kinuna dagiti tattao ken ni Saul, “Rumbeng kadi a mapapatay ni Jonatan a nanggun-od iti daytoy naindaklan a balligi ti Israel? Saan! Ikarimi iti nagan ti sibibiag nga Apo a saan a maan-ano ti uray maysa la a buok ni Jonatan. Ti inaramidna ita nga aldaw, naaramid babaen ti tulong ti Dios.” Saan ngarud nga impalubos dagiti tattao a mapapatay ni Jonatan.

Ilokano (Ti Biblia (1973))

Ket dagiti tattao kinunada ken Saul, Matayto aya ni Jonatan, a nangaramid iti daytoy dackel a pannacaisalacan iti Israel? Adayu iti dayta: cas sibibiag ni Jehova, awanto ti maysa a buoc ti olona a matnag iti daga; ta isu nakipagaramid iti Dios ita nga aldaw. Iti casta dagiti tattao sinalacnibanda ni Jonatan, nga isu saan a natay idi.