2 Chronicles 25:5 — Compare Translations

Ilokano (Ti Baro a Naimbag a Damag Biblia) 1996

Binunggo-bunggoy ni Amazias dagiti amin a lallaki iti tribu ti Juda ken iti tribu ti Benjamin iti nadumaduma a grupo dagiti mannakigubat, segun ti kapuonan a nagtaudanda. Nangdutok kadagiti ofisiales a mangipangulo kadagiti bunggoy a sagsangaribu ken sagsangagasut. Mairaman dagiti amin a lallaki nga agtawen iti 20 wenno nasursurok pay; agdagupda iti 300,000. Napilida a soldado a sisasagana a makigubat ken nalaing nga agaramat iti pika ken kalasag.

Ilokano (Ti Biblia (1973))

Maysa pay ni Amasias inurnongna ti Juda, ket inornosna ida a mayalubog cadagiti balbalay dagiti ammada, iti babaen dagiti capcapitan ti rinibu ken capcapitan ti ginasut, ti amin met laeng a Juda ken Benjamin: ket binilangna ida manipud iti agtawen iti duapulo ken agpangato, ket nasaracanna ida a tallo gasut a ribu a lallaki a napili, a macabael a mapan makigubat a mabalinda idi nga iggaman ti pica ken calasag.