2 Corinthians 7:11 — Compare Translations

Ilokano (Ti Baro a Naimbag a Damag Biblia) 1996

Kitaenyo ti namay-an ti Dios iti ladingityo! Pinaregtanakayo unay, pinaggagarnakayo unay a mangipaneknek nga awan ti basolyo! Anian a rurod, anian a buteng, anian nga iliw, anian nga anep, anian a panangdusa iti nakabasol! Dakayo a mismo ti nangipakita nga awan pakapilawanyo iti daytoy a pasamak.

Ilokano (Ti Biblia (1973))

Adtoy ngarud, daytoy met laeng a panagladingityo a mayanurot iti Dios, ania ket nga annaden ti pinataudna cadacayo, ania ket a panangipalawagyon iti casasaadyo met laeng, ania ket a pungtoten, ania ket a butengen, ania ket nga essemen, ania ket a regtan, ania ket a kinalinteg ti pammalesen! Iti isu-amin nagparangcayo a nadalus itoy a panggep.