2 Samuel 19:7 — Compare Translations

Ilokano (Ti Baro a Naimbag a Damag Biblia) 1996

Ita, inka papigsaen ti pakinakem dagiti tattaom. No madika, isapatak iti nagan ti Apo nga awan ti mabati kenka agingga iti bigat. Daytanto ti kakaroan a didigra a sagabaem iti unos ti panagbiagmo.”

Ilokano (Ti Biblia (1973))

Gapuna a tumacderca ita, ket rumuarca ket agsaoca iti macaliwliwa cadagiti ad-adipenmo; ta isapatac gapu ken Jehova, a no dica rumuar, uray la coma no maysa a lalaki awan ti matda kenca iti daytoy a rabii: ket dayta dacdakesto kenca ngem iti isu-amin a dakes a nagtinnag kenca nanipud idi kinaubingmo agingga itatta.