Exodus 34:10 — Compare Translations

Ilokano (Ti Baro a Naimbag a Damag Biblia) 1996

Kinuna ni Yahweh ken ni Moises, “Ita, makitulagak kadagiti Israelita. Agaramidakto kadagiti milagro a di pay napasamak ditoy lubong wenno iti uray ania a pagilian. Makitanto dagiti amin a tattao dagiti naindaklan a banag a kabaelak nga aramiden agsipud ta agaramidak kadagiti nakaskasdaaw a banag nga agpaay kadakayo.

Ilokano (Ti Biblia (1973))

Ket ni Jehova kinunana, Adtoy, Siac buangayec ti maysa a tulag: iti sangoanan dagiti amin a cailiam aramidecto dagiti datdatlag, a dida pay naaramid iti amin a lubong, wenno iti uray ania nga nacion; ket amin dagiti tattao, a ti tengngada isu ti yanmo, macakitadanto ti aramid ni Jehova; ta nacakigkigtot ti aramidec iti pannacaaramatmo.