Exodus 39:21 — Compare Translations

Ilokano (Ti Baro a Naimbag a Damag Biblia) 1996

Babaen iti asul a kordon, pinagkamangda dagiti pagyusokan ti pektoral ken dagiti pagyusokan ti efod iti ngatoen ti barikes tapno agsaad ti pektoral iti barikes ket saanda nga agsina. Inaramidda daytoy kas imbilin ni Yahweh ken ni Moises.

Ilokano (Ti Biblia (1973))

Ket ingalutda ti pectoral nga incapetda dagiti singsing cadagiti singsing ti efod nga inaramatda ti maysa a singdan nga azul, tapno maiparabaw ti nasayaat ti pannacaabelna a barikes ti efod, ken tapno ti pectoral saan a maisina iti efod; cas imbilin ni Jehova ken Moises.