Ezekiel 31:18 — Compare Translations

Ilokano (Ti Baro a Naimbag a Damag Biblia) 1996

“Ti kayo isu ti ari ti Egipto ken dagiti amin a tattaona. Uray dagiti kayo ti Eden awan ti kas kenkuana a natayag ken nadaeg. Ngem ita, kas kadagiti kayo ti Eden, maitappuakto met iti lubong dagiti natay ket tumipon kadagiti awan diosna ken kadagiti natay iti gubat. Naibagakon,” kuna ti Apo a Dios.

Ilokano (Ti Biblia (1973))

Asino ti capadam a castoy iti dayag ken iti cadackel cadagiti caycayo ti Eden? nupay casta maipababacanto a maicuyog cadagiti caycayo ti Eden agingga cadagiti nababa a paspaset ti lubong: agiddacanto iti tengnga dagiti saan a nacugit, a maicuyog cadagidiay napapatay iti campilan. Daytoy isu ni Faraon ken amin ti umariwecwecna, cuna ni Apo Jehova.