Isaiah 18:6 — Compare Translations

Ilokano (Ti Baro a Naimbag a Damag Biblia) 1996

Mabaybay-andanto nga agpaay a kanen dagiti tumatayab ken atap nga animal kadagiti bantay. Iti kalgaw, kanento dagiti tumatayab ida ket iti tiempo ti lam-ek, bumaginto met dagiti animal.

Ilokano (Ti Biblia (1973))

Mabaybay-andanto a naornong a maipaay cadagiti narawet a tumatayab cadagiti banbantay, ken cadagiti amin nga an-animal iti daga; ket dagiti narawet a tumatayab agyandanto cadacuada iti pannawen ti pudot, ket dagiti an-animal ti daga agyandanto cadacuada iti pannawen ti lam-ec.