Jeremiah 25:27 — Compare Translations

Ilokano (Ti Baro a Naimbag a Damag Biblia) 1996

Kalpasanna, kinuna ti Apo kaniak, “Ibagam kadagiti tattao a siak, ni Yahweh a Mannakabalin-amin a Dios ti Israel, ti mangibilin nga uminumda agingga a mabartek ken agsaruada ket matuangda. Saandan a makabangon gapu iti gubat a yegko kadakuada.

Ilokano (Ti Biblia (1973))

Ket cunaemto cadacuada, Castoy ti cuna ni Jehova dagiti buybuyot, a Dios ti Israel: Uminumcayo, ket mabarteccayo, ken agbaccuarcayo ket matuangcayo, ket saancayon a bumangon, gapu iti campilan nga ibaonconto cadacayo.