Jeremiah 51:27 — Compare Translations

Ilokano (Ti Baro a Naimbag a Damag Biblia) 1996

“Ikabilyo ti pagilasinan ti idadarup! Pagunienyo ti trumpeta tapno mangngeg dagiti nasion! Pagsaganaenyo dagiti nasion a manggubat iti Babilonia! Ibagayo a dumarup dagiti pagarian ti Ararat, Minni ken Askenaz. Mangtudingkayo iti mangidaulo iti panangraut. Iruaryo dagiti kabalio a kas iti pangen ti dudon ti kaaduda.

Ilokano (Ti Biblia (1973))

Ipatacderyo ti wagayway iti daga, pagunienyo ti tangguyob iti tengnga dagiti nasnacion, isaganayo dagiti nasnacion a maibusor kencuana, paguornongenyo a maibusor kencuana dagiti pagpagarian ti Ararat, Minni, ken Askenaz: pilienyo ti maysa a capitan a maibusor kencuana; pasang-atenyo dagiti cabcabayo a cas iti naranggas a lucton.