Nehemiah 9:32 — Compare Translations

Ilokano (Ti Baro a Naimbag a Damag Biblia) 1996

“O Dios a Diosmi, naindaklanka unay! Nakabutbuteng ken mannakabalinka! Salimetmetam a sipupudno dagiti karim iti katulagam. Manipud iti tiempo a panangidadanes kadakami dagiti ar-ari ti Asiria, adun ti sinagsagabami agpapan ita. Nagsagaba dagiti ar-arimi, dagiti papangulo, papadi ken profetami, dagiti kapuonanmi ken amin a tattaomi. Lagipem kadi ti adu unay a sinagabami.

Ilokano (Ti Biblia (1973))

Ita ngarud, Diosmi, ti dackel, a mannacabalin, ket nacakigkigtot a Dios, a mangsalimetmet iti tulag ken kinamanangngaasi, dica palubosan nga agparang ita sangoanam a cas bassit ti amin a rigat, nga immay cadacami, cadagiti pangpangoloenmi, ken cadagiti papadimi, ken cadagiti mammadtomi, ken cadagiti ammami, ken iti amin nga ilim, nanipud idi tiempo dagiti ar-ari ti Asiria agingga itoy nga aldaw.