Romans 7:13 — Compare Translations

Ilokano (Ti Baro a Naimbag a Damag Biblia) 1996

Ngem kayatna kadi a sawen a ti naimbag inyegna ti ipapatayko? Saan! Aramid ti basol daytoy. Inaramatna ti naimbag a pangpatay kaniak tapno maipakita no ania ti basol. Iti kasta, babaen iti bilin, maipakita ti kinadakes ti basol.

Ilokano (Ti Biblia (1973))

Ti naimbag ngarud, nagbalin aya caniac nga ipapatay? Ni caanoman; no di ket ti basol tapno agparang a basol, nagpataud caniac ti ipapatay gapu iti naimbag; tapno gapu iti bilin, ti basol mabigbig a dakes unay.