Zephaniah 3:8 — Compare Translations

Ilokano (Ti Baro a Naimbag a Damag Biblia) 1996

Kuna ni Yahweh, “Aguraykayo. Urayenyo ti aldaw a panagtakderko a kas ukom a mangidarum kadagiti nasion. Inkeddengko nga ummongen dagiti pagilian ken pagarian tapno ipariknak kadakuada ti napalalo a pungtotko. Madadaelto ti entero a daga iti gumilgil-ayab nga apuy ti pungtotko.

Ilokano (Ti Biblia (1973))

Ngarud aguraycayo a maipaay caniac, cuna ni Jehova, agingga iti aldaw nga itatacderco a mangsamsam; ta ti panangikeddengco isu ti panangurnong cadagiti nasnacion, tapno maummongco coma dagiti pagpagarian, tapno ibucbocco cadacuada ti ungetco, ti met laeng narungsot a pungtotco; ta isu-amin a daga malamutto iti apuy ti imonco.