1 Chronicles 29:21 — Compare Translations

Mien Bible (Thai Script) © Thailand Bible Society, 2007

ตะเหญ่ย ฮนอย นิ่น บัว ต้อ กะน้าย ฝ่ง ห่อ เหฒี่ย ปุน เฒี้ยว, หย่า ฝ่ง ห่อ ปั๊ว เหฒี่ย ปุน นิ่น. ม่าย เหยียด ธิน เต้า ง่ง โก๊ว, เหยียด ธิน เต้า ยู่ง โก๊ว เหธา เหยียด ธิน เต้า ปะกี ยู่ง ตอน แอ๋ง เหธา น้าย เต๋ย เหยียด เหฌี่ย เธี้ย เหฒี่ย เญย กะน้าย. นิ่น บัว แอ๋ง เหว่ย อิ​สะ​ลา​เอน เญย หฒวัง เมี่ยน ฝ่ง ห่อ เหฒี่ย เญย กะน้าย ธั้ม ไห่.

ฉบับอักษรโรมันใหม่ - Thailand Bible Society, 2007

Da'nyeic hnoi ninh mbuo dorh ga'naaiv fongc horc ziec bun Ziouv, yaac fongc horc buov ziec bun ninh. Maaih yietc cin dauh ngongh gouv, yietc cin dauh yungh gouv caux yietc cin dauh ba'gi yungh dorn aengx caux naaiv deix yietc njiec ciev ziec nyei ga'naaiv. Ninh mbuo aengx weic I^saa^laa^en nyei zuangx mienh fongc horc ziec nyei ga'naaiv camv haic.