2 Kings 1:6 — Compare Translations

Mien Bible (Thai Script) © Thailand Bible Society, 2007

นิ่น บัว เตา, “ม่าย เต้า เมี่ยน ต้าย ปวั้ง เยีย บัว. นิ่น ก๊อง, ‘เม่ย บัว หฑวน มี่ง บั๋ว พ้าย เม่ย บัว ต้าย วั้ว เต้า ฮู่ง, “ เฒี้ยว ฮนั้ง น้าย ก๊อง. อิ​สะ​ลา​เอน เต่ย-ปูง ไม้ ม่าย ทิน-ฮู่ง เม่ย หธีง ต้าย พ้าย เมี่ยน มี่ง หน่าย เอ​โค​โลน ฒี่ง เญย เฒี่ยน, บา​อัน​เซ​บูบ, ไฟ? เหว่ย น้าย เม่ย ไม้ ตุ๊ เหฌี่ย เม่ย อี้ หฒั่น เปว๋ย เจี๊ยน เญย โหธว. เม่ย ด่ง หาย ฒู้ง อ๋อย หฒุ ไต่.”’”

ฉบับอักษรโรมันใหม่ - Thailand Bible Society, 2007

Ninh mbuo dau, “Maaih dauh mienh daaih buangh yie mbuo. Ninh gorngv, ‘Meih mbuo nzuonx mingh mbuox paaiv meih mbuo daaih wuov dauh hungh, “ Ziouv hnangv naaiv gorngv. I^saa^laa^en Deic-Bung maiv maaih Tin-Hungh meih cingx daaih paaiv mienh mingh naaic E^ko^lon Zingh nyei zienh, Mbaa^an Se^mbupc, fai? Weic naaiv meih maiv duqv njiec meih ih zanc bueix jienv nyei coux. Meih ndongc haaix zungv oix zuqc daic.”+’+”