2 Kings 10:19 — Compare Translations

Mien Bible (Thai Script) © Thailand Bible Society, 2007

อี้ หฒั่น อ๋อย หฒุ เห่ว บา​อัน เญย โต่ว หว่า เมี่ยน เหยียด ฒู้ง เหธา หฒั่ง บา​อัน เญย หฒวัง เมี่ยน เหธา หฒวัง ไซ เมี่ยน ต้าย ฒุ้น เยีย น้าย. ไม้ ตู๋ง ปุน ธา เหยียด เต้า เหว่ย หฒุ เยีย อ๋อย โหฒว โฮล เญย เหฒี่ย ปุน บา​อัน. หาย เต้า ไม้ ต้าย, วั้ว เต้า ฒู้ง ไม้ ไฮ่ ตุ๊ แหม่ง เฒี่ยง.” มป่า เย​ฮู ต๊า กู๊ ไกว๋ เญย หฒะเอ๋ย เหว่ย ไต๋ หฒั่ง บา​อัน เฒี่ยน เญย เมี่ยน.

ฉบับอักษรโรมันใหม่ - Thailand Bible Society, 2007

Ih zanc oix zuqc heuc Mbaa^an nyei douc waac mienh yietc zungv caux zaangc Mbaa^an nyei zuangx mienh caux zuangx sai mienh daaih zunv yie naaiv. Maiv dungx bun caa yietc dauh weic zuqc yie oix zoux hlo nyei ziec bun Mbaa^an. Haaix dauh maiv daaih, wuov dauh zungv maiv haih duqv maengc ziangh.” Mv baac Ye^hu daav guv guaix nyei za'eix weic daix zaangc Mbaa^an zienh nyei mienh.