2 Kings 10:24 — Compare Translations

Mien Bible (Thai Script) © Thailand Bible Society, 2007

นิ่น บัว เปียะ มี่ง ฯฒฯ ฝ่ง ห่อ เหฒี่ย หย่า ปั๊ว เหฒี่ย. เย​ฮู จา-ด่าง พ้าย เหฒียง เป๊ด เหฒียบ เต้า เมี่ยน เยียม หมิ่ว-เปย๊า กะเหญี่ย แหมง หย่า หัด นิ่น บัว, “เยีย เฒาะ น้าย เต๋ย เมี่ยน จิว ปุน เยียม เม่ย บัว เญย ปั์ว-เดี๊ย. หาย เต้า ปุน เต้า น้าย เต๋ย เมี่ยน เปย๋า, อ๋อย หฒุ หล่ง นิ่น เญย แหม่ง ตี๊.”

ฉบับอักษรโรมันใหม่ - Thailand Bible Society, 2007

Ninh mbuo bieqc mingh ziouc fongc horc ziec yaac buov ziec. Ye^hu jaa-ndaangc paaiv ziangx betv ziepc dauh mienh yiem miuc-biauv ga'nyiec maengx yaac hatc ninh mbuo, “Yie zorqv naaiv deix mienh jiu bun yiem meih mbuo nyei buoz-ndiev. Haaix dauh bun dauh naaiv deix mienh biaux, oix zuqc longc ninh nyei maengc div.”