2 Kings 15:25 — Compare Translations

Mien Bible (Thai Script) © Thailand Bible Society, 2007

ม่าย เต้า นิ่น เญย ต้ม แปง-เปย๊ย, เล​มา​ลิ​ยา เญย ตอน, เป​คา, เป่ย เดี๊ย ธ่าง ล่าง แหง่ง นิ่น. นิ่น ต้อ ฮม์ เหฒียบ เต้า กิ​เล​อาด เมี่ยน เหธา นิ่น มี่ง สะ​มา​เลีย, เยียม ฮู่ง ติ่น กะญั์ว เหยียด นอม ว้วน เญย ต๋อง, ไต๋ นิ่น เหธา อาน​โกบ เหธา อา​ลี​เอ. ไต๋ ลิ์ว, เป​คา ฝาว เหว่ย ตี๊ เป​คา​หิ​ยา โหฒว ฮู่ง.

ฉบับอักษรโรมันใหม่ - Thailand Bible Society, 2007

Maaih dauh ninh nyei domh baeng-bieiv, Le^maa^li^yaa nyei dorn, Bekaa, beic ndiev caangh laangh ngaengc ninh. Ninh dorh hmz ziepc dauh Gi^le^aatc Mienh caux ninh mingh Saa^maa^lie, yiem hungh dinc gu'nyuoz yietc norm wuonv nyei dorngx, daix ninh caux Aan^gopc caux Aa^li^e. Daix liuz, Bekaa faaux weic div Be^kaa^hi^yaa zoux hungh.