2 Samuel 20:22 — Compare Translations

Mien Bible (Thai Script) © Thailand Bible Society, 2007

วั้ว เต้า มเซียะ ตอน หล่ง นิ่น เญย ธง-เม่ง มี่ง เหธา หฒวัง เมี่ยน ธ่าง ล่าง. นิ่น บัว ฯฒฯ ฮงะ บีก​ลี เญย ตอน, เช​บา, เญย มฆ้อง ดุ๊ด แอ๋ง ฒอย ยั่ง ฒี่ง หลาด กู้ หงว่าย ปุน โย​อาบ. โย​อาบ ฯฒฯ ปย๊ม จอง. หฒวัง แปง ฯฒฯ หฑาน มี่ง, เก๊าะ-เมี่ยน หฑวน เก๊าะ-เมี่ยน เญย เปย๊า. โย​อาบ หย่า หฑวน เย​ลู​ซา​เลม, ฮู่ง เตี๋ย วั้ว.

ฉบับอักษรโรมันใหม่ - Thailand Bible Society, 2007

Wuov dauh m'sieqv dorn longc ninh nyei cong-mengh mingh caux zuangx mienh caangh laangh. Ninh mbuo ziouc hngaqv Mbikc^li nyei dorn, Qe^mbaa, nyei m'nqorngv ndutv aengx zoi yangh zingh laatc gu'nguaaic bun Yo^aapc. Yo^aapc ziouc biomv jorng. Zuangx baeng ziouc nzaanx mingh, gorqv-mienh nzuonx gorqv-mienh nyei biauv. Yo^aapc yaac nzuonx Ye^lu^saa^lem, hungh diex wuov.