Daniel 11:17 — Compare Translations

Mien Bible (Thai Script) © Thailand Bible Society, 2007

ป๊ะ ปูง เญย ฮู่ง ฯฒฯ ตี่ง เฮญี้ยว หล่ง เหฑ่ง นิ่น เญย เหยียด นอม กั๊วะ เญย ชะ ต้าย, หย่า ต๊า หฒะเอ๋ย เหธา น่าม ปูง ฮู่ง ต้ง เฮญี้ยว หย่า เอย เจี๊ยน โหฒว. นิ่น ฯฒฯ อ๋อย เฒาะ กั้น เญย เซียะ ปู๋ง ปุน น่าม ปูง เญย ฮู่ง, ฮนั้ม อ๋อย เหมียด วั้ว นอม กั๊วะ. มป่า นิ่น ฮนั้ม ธ้วด เญย หฒะเอ๋ย ไม้ เฒี่ยง สี่, หย่า ไม้ เถง นิ่น.

ฉบับอักษรโรมันใหม่ - Thailand Bible Society, 2007

Baqv Bung nyei hungh ziouc dingc hnyouv longc nzengc ninh nyei yietc norm guoqv nyei qaqv daaih, yaac daav za'eix caux Naamh Bung hungh dongh hnyouv yaac ei jienv zoux. Ninh ziouc oix zorqv ganh nyei sieqv bungx bun Naamh Bung nyei hungh, hnamv oix mietc wuov norm guoqv. Mv baac ninh hnamv cuotv nyei za'eix maiv ziangh sic, yaac maiv tengx ninh.