Daniel 7:9 — Compare Translations

Mien Bible (Thai Script) © Thailand Bible Society, 2007

“เยีย หมั่ง เจี๊ยน วั้ว หฒั่น, “ปวัด ม่าย เหฒีย นอม เหว่ย เหลียบ เจี์ย, แอ๋ง ม่าย เหยียด ลิ์ว เฒี่ยง วั้ว เต้า ต้าย เฒว์ย นิ่น เญย เหว่ย. นิ่น เญย ลุย บ๊บ แปะ ฮนั้ง ซอง นอ. นิ่น เญย บะเปยย ฮนั้ง ธีง-เหฑ่ง ปะกี ยู่ง เญย เปยย. นิ่น เญย เหว่ย ฮนั้ง ม่าย โต์ว-เบียด เหฒียะ เจี๊ยน เญย. เหว่ย เญย เยี่ยน หย่า ฮนั้ง ม่าย โต์ว เหฒียะ เจี๊ยน เญย นอ.

ฉบับอักษรโรมันใหม่ - Thailand Bible Society, 2007

“Yie mangc jienv wuov zanc, “Buatc maaih ziex norm weic liepc jiez, aengx maaih Yietc Liuz Ziangh Wuov Dauh daaih zueiz ninh nyei weic. Ninh nyei lui mbopv baeqc hnangv sorng nor. Ninh nyei mba'biei hnangv cing-nzengc ba'gi yungh nyei biei. Ninh nyei weic hnangv maaih douz-mbietc zieqc jienv nyei. Weic nyei yienh yaac hnangv maaih douz zieqc jienv nyei nor.