Exodus 3:15 — Compare Translations

Mien Bible (Thai Script) © Thailand Bible Society, 2007

ทิน-ฮู่ง แอ๋ง ก๊อง บั๋ว โม​เซ, “อ๋อย หฒุ บั๋ว อิ​สะ​ลา​เอน เมี่ยน, ‘ เฒี้ยว, เม่ย บัว เญย อง-ถาย เญย ทิน-ฮู่ง, เซ อับ​ลา​ฮัม เญย ทิน-ฮู่ง, อี​สัก เญย ทิน-ฮู่ง, เหธา ยา​โค้บ เญย ทิน-ฮู่ง, พ้าย เยีย ต้าย ล์อ เม่ย บัว.’ เฒี้ยว เซ เยีย เญย บั๋ว เหว่ย เหยียด ลิ์ว. อ๋อย หฒุ จั๋ง เจี๊ยน ฮนั้ง น้าย นอ เห่ว เหยียด ต่อย ฒุ่น เจี๋ย เหยียด ต่อย.

ฉบับอักษรโรมันใหม่ - Thailand Bible Society, 2007

Tin-Hungh aengx gorngv mbuox Mose, “Oix zuqc mbuox I^saa^laa^en Mienh, ‘ Ziouv, meih mbuo nyei ong-taaix nyei Tin-Hungh, se Apc^laa^ham nyei Tin-Hungh, I^sakc nyei Tin-Hungh, caux Yaakopv nyei Tin-Hungh, paaiv yie daaih lorz meih mbuo.’ Ziouv se yie nyei mbuox weic yietc liuz. Oix zuqc jangx jienv hnangv naaiv nor heuc yietc doic zunh jiex yietc doic.