Ezekiel 28:13 — Compare Translations

Mien Bible (Thai Script) © Thailand Bible Society, 2007

เม่ย เยียม ทิน-ฮู่ง เญย หฮวีง, เอ​เดน. ม่าย หญู่งๆ จ๋าย เญย หละเปย๊ย ฒอง เจี๊ยน เม่ย, ม่าย ยั่ง ซิ เญย หละเปย๊ย-จ๋าย, ยั่ง อู๊ง เญย, แมง-โก๋ เญย, แมง-บยาน เญย, แมง-บั๊ว เญย, เจี๊ยะ-แปะ เปน เญย, บั๊น บั๊ว ฑัง เญย, ซิ-โก๋ เญย, เหธา เดี้ยม แมง ฑัง เญย หละเปย๊ย-จ๋าย. เม่ย หล่ง เจียม ธิ เหลาะ เหลาะ เจี๊ยน หย่า ดี้ง เจี๊ยน เปี้ยง. เหฒย เม่ย ต้าย วั้ว ฮนอย น้าย เต๋ย หลิ่ว เล์ย เหฒียง.

ฉบับอักษรโรมันใหม่ - Thailand Bible Society, 2007

Meih yiem Tin-Hungh nyei huingx, E^nden. Maaih nyungc-nyungc jaaix nyei la'bieiv zorng jienv meih, maaih yangh siqv nyei la'bieiv-jaaix, yangh ungv nyei, maeng-gox nyei, maeng-mbiaan nyei, maeng-mbuov nyei, jieqv-baeqc ben nyei, mbanv mbuov nzang nyei, siqv-gox nyei, caux ndiemh maeng nzang nyei la'bieiv-jaaix. Meih longc jiem ciqv lorqc lorqc jienv yaac ndingh jienv biangh. Zeix meih daaih wuov hnoi naaiv deix liuc leiz ziangx.