Ezra 8:35 — Compare Translations

Mien Bible (Thai Script) © Thailand Bible Society, 2007

หฒุ ธ้าง มี่ง หฑวน ต้าย เญย เมี่ยน ต้อ แซง-คู้ ปั๊ว เหฒี่ย ฝ่ง ห่อ ปุน อิ​สะ​ลา​เอน เมี่ยน เญย ทิน-ฮู่ง. เหว่ย อิ​สะ​ลา​เอน เญย หฒวัง เมี่ยน นิ่น บัว หล่ง ง่ง โก๊ว เหฒียบ เหญ่ย เต้า, ปะกี ยู่ง โก๊ว จั๊ว เหฒียบ หลัวะ เต้า, ปะกี ยู่ง ตอน เธี้ยด เหฒียบ เธี้ยด เต้า, หย่า หล่ง เหฒียบ เหญ่ย เต้า ยู่ง โก๊ว เหว่ย ฟิ ฒุ์ย. น้าย เต๋ย เหยียด ฒู้ง เซ ปั๊ว เหฒี่ย ปุน เฒี้ยว เญย กะน้าย.

ฉบับอักษรโรมันใหม่ - Thailand Bible Society, 2007

Zuqc caangv mingh nzuonx daaih nyei mienh dorh saeng-kuv buov ziec fongc horc bun I^saa^laa^en Mienh nyei Tin-Hungh. Weic I^saa^laa^en nyei zuangx mienh ninh mbuo longc ngongh gouv ziepc nyeic dauh, ba'gi yungh gouv juov ziepc luoqc dauh, ba'gi yungh dorn cietv ziepc cietv dauh, yaac longc ziepc nyeic dauh yungh gouv weic fiqv zuiz. Naaiv deix yietc zungv se buov ziec bun Ziouv nyei ga'naaiv.