Hosea 2:18 — Compare Translations

Mien Bible (Thai Script) © Thailand Bible Society, 2007

เถา วั้ว หฒั่น เยีย อ๋อย เหว่ย นิ่น เหธา หล่ม-ฮวาง เญย เฮยี่ย ฒ่อย, เหธา ด๊าม-ลู่ง เญย เหนาะ, เหธา ญอง เดา เญย กะน้าย เหลียบ เจี์ย แหง่ง หว่า. เยีย หย่า อ๋อย ว้วด เน้า เยียม กั๊วะ กะญั์ว เญย จวัง-หฒิน เหธา หฑุ ด๊าว, หย่า ปุน เบ๊าะ จ๋า เญย เจ๊า ตั๋ง. เยีย หย่า อ๋อย ปุน นิ่น แป้ง ออน เญย เปว๋ย เหฌี่ย.

ฉบับอักษรโรมันใหม่ - Thailand Bible Society, 2007

Taux wuov zanc yie oix weic ninh caux lomc-huaang nyei hieh zoih, caux ndaamv-lungh nyei norqc, caux nyorng ndau nyei ga'naaiv liepc jiez ngaengc waac. Yie yaac oix wuotv nauv yiem guoqv gu'nyuoz nyei juang-zinx caux nzuqc ndaauv, yaac bun mborqv jaax nyei jauv dangx. Yie yaac oix bun ninh baengh orn nyei bueix njiec.