Isaiah 45:21 — Compare Translations

Mien Bible (Thai Script) © Thailand Bible Society, 2007

เม่ย บัว กุ๊น ก๊อง อ๊ะ. ก๊อง เม่ง เม่ย บัว เญย สี่, ปุน นิ่น บัว ล่ม ฑ่อย ธ่าง ล่าง. หาย เต้า จา-ด่าง ก๊อง ลิ์ว เล่า อ๊ะ? โล์-ฮนอย หาย เต้า ฒุ่น น้าย เต๋ย สี่ ธ้วด ต้าย? เซ ไม้ เฒ์ย เยีย, เฒี้ยว ไฟ? ธ้วด ลิ์ว เยีย, ไม้ ม่าย กั้น เต้า ทิน-ฮู่ง, เยีย เซ แป้ง ฟิม เญย ทิน-ฮู่ง หย่า โหฒว เหฌียว เฒี้ยว. ธ้วด ลิ์ว เยีย, ไม้ ม่าย กั้น เต้า.

ฉบับอักษรโรมันใหม่ - Thailand Bible Society, 2007

Meih mbuo gunv gorngv aqv. Gorngv mengh meih mbuo nyei sic, bun ninh mbuo lomh nzoih caangh laangh. Haaix dauh jaa-ndaangc gorngv liuz lauh aqv? Loz-hnoi haaix dauh zunh naaiv deix sic cuotv daaih? Se maiv zeiz yie, Ziouv fai? Cuotv liuz yie, maiv maaih ganh dauh Tin-Hungh, yie se baengh fim nyei Tin-Hungh yaac zoux Njoux Ziouv. Cuotv liuz yie, maiv maaih ganh dauh.