Jeremiah 15:19 — Compare Translations

Mien Bible (Thai Script) © Thailand Bible Society, 2007

เหว่ย น้าย เฒี้ยว ฮนั้ง น้าย ก๊อง, “สี ก๊อง เม่ย หฑวน ต้าย, เยีย ปุน เม่ย ตุ๊ หลง ฮนั้ง โล์ วั้ว นอ, เม่ย หย่า ตุ๊ โซ้ว เยีย เญย หฑะเฮมียน. สี ก๊อง เม่ย ก๊อง จ๋าย เญย หว่า, ไม้ ก๊อง ไม้ ลั่ม หล่ง เญย หว่า เม่ย ฯฒฯ ต๋อง เยีย เญย ฑุ่ย. นิ่น บัว ฯฒฯ ฮวิน ต้าย ล์อ เม่ย, มป่า เม่ย ไม้ ตู๋ง ฮวิน มี่ง ล์อ นิ่น บัว.

ฉบับอักษรโรมันใหม่ - Thailand Bible Society, 2007

Weic naaiv Ziouv hnangv naaiv gorngv, “Se gorngv meih nzuonx daaih, yie bun meih duqv longx hnangv loz wuov nor, meih yaac duqv souv yie nyei nza'hmien. Se gorngv meih gorngv jaaix nyei waac, maiv gorngv maiv lamh longc nyei waac meih ziouc dorngx yie nyei nzuih. Ninh mbuo ziouc huin daaih lorz meih, mv baac meih maiv dungx huin mingh lorz ninh mbuo.