Jeremiah 36:6 — Compare Translations

Mien Bible (Thai Script) © Thailand Bible Society, 2007

ฮนั้ง หน่าย เม่ย อ๋อย หฒุ มี่ง. เฒย ไม้ หญั่น หาย หญู่ง เญย ฮนอย เม่ย อ๋อย หฒุ เฒาะ ต้ง เม่ย หฒิว เยีย ก๊อง เญย หว่า เฟี้ย เจี๊ยน โซว-หฌุ่น โตะ ปุน เยียม หฒั่ง เฒี้ยว เญย เปย๊า เญย หฒวัง เมี่ยน หมวัง. เม่ย หย่า อ๋อย หฒุ โตะ ปุน เยียม ยู​ดา เญย ฒี่ง ธ้วด ต้าย เญย เหยียด ฒู้ง เมี่ยน หมวัง.

ฉบับอักษรโรมันใหม่ - Thailand Bible Society, 2007

Hnangv naaic meih oix zuqc mingh. Zei maiv nyanc haaix nyungc nyei hnoi meih oix zuqc zorqv dongh meih ziux yie gorngv nyei waac fiev jienv sou-njunc doqc bun yiem zaangc Ziouv nyei biauv nyei zuangx mienh muangx. Meih yaac oix zuqc doqc bun yiem Yu^ndaa nyei zingh cuotv daaih nyei yietc zungv mienh muangx.