Jeremiah 38:27 — Compare Translations

Mien Bible (Thai Script) © Thailand Bible Society, 2007

ฆะฮ้า หฒวัง เจียน ต้าย ล์อ เย​เล​มี หน่าย นิ่น, นิ่น ฯฒฯ หฒิว ฮู่ง เตี๋ย บั๋ว เหฒียง เญย หว่า บั๋ว นิ่น บัว. นิ่น บัว ฯฒฯ ไม้ เหธา นิ่น ก๊อง หาย หญู่ง อ๊ะ, เหว่ย หฒุ ไม้ ม่าย หาย เต้า ไฮ์ นิ่น เหธา ฮู่ง เตี๋ย ก๊อง หว่า.

ฉบับอักษรโรมันใหม่ - Thailand Bible Society, 2007

Nqa'haav zuangx jien daaih lorz Ye^le^mi naaic ninh, ninh ziouc ziux hungh diex mbuox ziangx nyei waac mbuox ninh mbuo. Ninh mbuo ziouc maiv caux ninh gorngv haaix nyungc aqv, weic zuqc maiv maaih haaix dauh haiz ninh caux hungh diex gorngv waac.