Job 2:11 — Compare Translations

Mien Bible (Thai Script) © Thailand Bible Society, 2007

โย้บ เญย ปัว เต้า โล์-แกง ต่อย, เซ เท​มาน ฒี่ง เญย เมี่ยน, เอ​ลี​ฟัด, เหธา ชู​วา เมี่ยน, บิน​ดัด, เหธา นา​อา​เม เมี่ยน, โส​ฟา, ไฮ์ ก๊อง โย้บ หฒุ น้าย เต๋ย เหยียด ฒู้ง เหฒะ หน่าน, เก๊าะ-เมี่ยน ฯฒฯ เยียม เก๊าะ-เมี่ยน เญย ต๋อง ต้าย กั๊บ เจี๊ยน ต่อย. นิ่น บัว ตุ๋น เหฒียง ต่อย เหยียด เจ๊า ต้าย, เหว่ย เถง โย้บ ไจ๊ เฑ่า, ออน นิ่น เญย เฮญี้ยว.

ฉบับอักษรโรมันใหม่ - Thailand Bible Society, 2007

Yopv nyei buo dauh loz-gaeng doic, se Temaan Zingh nyei mienh, E^li^fatv, caux Quwaa Mienh, Mbin^ndatc, caux Naa^aa^me Mienh, Sofaa, haiz gorngv Yopv zuqc naaiv deix yietc zungv zeqc naanc, gorqv-mienh ziouc yiem gorqv-mienh nyei dorngx daaih gapv jienv doic. Ninh mbuo dunx ziangx doic yietc jauv daaih, weic tengx Yopv jaiv nzauh, orn ninh nyei hnyouv.