Joshua 23:15 — Compare Translations

Mien Bible (Thai Script) © Thailand Bible Society, 2007

มป่า ฮนั้ง เฒี้ยว, เม่ย บัว เญย ทิน-ฮู่ง, หฒิว นิ่น แล์ง ปุน เม่ย บัว เญย เหยียด ฒู้ง หลง เญย หว่า, นิ่น เหว่ย เม่ย บัว โหฒว เหฒียง เหฑ่ง, เฒี้ยว หย่า อ๋อย ฮนั้ง วั้ว นอ ปุน เม่ย บัว หฒุ หญู่งๆ เธี้ยว เญย เหฒะ หน่าน เหมียด เหฑ่ง เม่ย บัว เถา ไม้ ตุ๊ เยียม นิ่น เหธย ปุน เม่ย บัว น้าย นอม หลง ไห่ เญย เต่ย-ปูง.

ฉบับอักษรโรมันใหม่ - Thailand Bible Society, 2007

Mv baac hnangv Ziouv, meih mbuo nyei Tin-Hungh, ziux ninh laengz bun meih mbuo nyei yietc zungv longx nyei waac, ninh weic meih mbuo zoux ziangx nzengc, Ziouv yaac oix hnangv wuov nor bun meih mbuo zuqc nyungc-nyungc ciouv nyei zeqc naanc mietc nzengc meih mbuo taux maiv duqv yiem ninh ceix bun meih mbuo naaiv norm longx haic nyei deic-bung.