Judges 2:1 — Compare Translations

Mien Bible (Thai Script) © Thailand Bible Society, 2007

เฒี้ยว เญย ฟิน-เมี่ยน เยียม กิน​กาน มี่ง เถา โบ​คิม. นิ่น ก๊อง บั๋ว อิ​สะ​ลา​เอน เมี่ยน, “เยีย ต้อ เม่ย บัว เยียม อี​ยิบ ธ้วด ต้าย, หย่า ต้อ เม่ย บัว เปียะ ต้ง เยีย เหธา เม่ย บัว เญย อง-ถาย โฮ้ว เจี๊ยน แล์ง เญย เต่ย-ปูง. เยีย ก๊อง, ‘เยีย ฒู้ง ไม้ กวั่ง ต้ง เยีย เหธา เม่ย บัว เหลียบ เจี๋ย เญย แหง่ง หว่า.

ฉบับอักษรโรมันใหม่ - Thailand Bible Society, 2007

Ziouv nyei fin-mienh yiem Gin^gaan mingh taux Mbokim. Ninh gorngv mbuox I^saa^laa^en Mienh, “Yie dorh meih mbuo yiem I^yipv cuotv daaih, yaac dorh meih mbuo bieqc dongh yie caux meih mbuo nyei ong-taaix houv jienv laengz nyei deic-bung. Yie gorngv, ‘Yie zungv maiv guangc dongh yie caux meih mbuo liepc jiex nyei ngaengc waac.