Micah 3:5 — Compare Translations

Mien Bible (Thai Script) © Thailand Bible Society, 2007

เฒี้ยว ฮนั้ง น้าย นอ ก๊อง, “ต้อ เยีย เญย แปะ ฝีง ต่อง เจ๊า วั้ว เต๋ย โต่ว หว่า เมี่ยน, ตะฟ่าน นิ่น บัว ตุ๊ หฮนาง หญั่น นิ่น บัว ก๊อง, ‘แป้ง ออน อ๊ะ โอ่.’ มป่า หาย เต้า ไม้ ปุน กะน้าย นิ่น บัว หญั่น, นิ่น บัว อ๋อย หลิ่ว เล์ย ต้าย เบ๊าะ จ๋า.

ฉบับอักษรโรมันใหม่ - Thailand Bible Society, 2007

Ziouv hnangv naaiv nor gorngv, “Dorh yie nyei baeqc fingx dorngc jauv wuov deix douc waac mienh, da'faanh ninh mbuo duqv hnaangx nyanc ninh mbuo gorngv, ‘Baengh orn aqv oc.’ Mv baac haaix dauh maiv bun ga'naaiv ninh mbuo nyanc, ninh mbuo oix liuc leiz daaih mborqv jaax.