Nehemiah 5:13 — Compare Translations

Mien Bible (Thai Script) © Thailand Bible Society, 2007

เยีย หย่า โซว เยีย ไซ เจี๊ยน วั้ว คว้าย เดีย หย่า ก๊อง, “หาย เต้า ไม้ เอย เจี๊ยน น้าย เต๋ย แล์ง เญย หว่า โหฒว, ทิน-ฮู่ง อ๋อย ฮนั้ง น้าย นอ โซว วั้ว เต้า ธ้วด นิ่น เญย เปย๊า หย่า โซว ขูง เหฑ่ง นิ่น เญย จา-ตี้ง เญย กะน้าย. ปุน น้าย หญู่ง เมี่ยน หฒุ โซว เถา ขูง-ปั์ว แปะ เหฒา เญย มี่ง อ๊ะ.” กั๊บ ฒุ้น เญย หฒวัง เมี่ยน ก๊อง, “อา​เมน,” หย่า เธง เฒี้ยว. โหฒว โฮล โหฒว เจียน เญย เมี่ยน ฯฒฯ เอย เจี๊ยน นิ่น บัว แล์ง เญย หว่า โหฒว.

ฉบับอักษรโรมันใหม่ - Thailand Bible Society, 2007

Yie yaac sou yie sai jienv wuov kuaaiv ndie yaac gorngv, “Haaix dauh maiv ei jienv naaiv deix laengz nyei waac zoux, Tin-Hungh oix hnangv naaiv nor sou wuov dauh cuotv ninh nyei biauv yaac sou kungx nzengc ninh nyei jaa-dingh nyei ga'naaiv. Bun naaiv nyungc mienh zuqc sou taux kungx-buoz baeqc zaux nyei mingh aqv.” Gapv zunv nyei zuangx mienh gorngv, “ Aamen,” yaac ceng Ziouv. Zoux hlo zoux jien nyei mienh ziouc ei jienv ninh mbuo laengz nyei waac zoux.