Numbers 18:11 — Compare Translations

Mien Bible (Thai Script) © Thailand Bible Society, 2007

“น้าย เต๋ย หย่า เป๋น เม่ย บัว เญย. อิ​สะ​ลา​เอน เมี่ยน ธุ้น กีง ฝ่ง ห่อ เญย กะน้าย เป๋น เม่ย บัว เญย. เยีย จิว ปุน เม่ย เหธา เม่ย เญย ตอน บัว, เม่ย เญย เซียะ บัว เหยียด ลิ์ว ตุ๊ เญย ป่วน. เยียม เม่ย บัว เญย เปย๊า ฒง เมี่ยน, ตะฟ่าน ธีง-เหฑ่ง, ไม้ ม่าย หวุย เญย เมี่ยน, หญั่น ตุ๊ เญย.

ฉบับอักษรโรมันใหม่ - Thailand Bible Society, 2007

“Naaiv deix yaac benx meih mbuo nyei. I^saa^laa^en Mienh cunv ging fongc horc nyei ga'naaiv benx meih mbuo nyei. Yie jiu bun meih caux meih nyei dorn mbuo, meih nyei sieqv mbuo yietc liuz duqv nyei buonc. Yiem meih mbuo nyei biauv zong mienh, da'faanh cing-nzengc, maiv maaih uix nyei mienh, nyanc duqv nyei.